قازاقستان رەسپۋبليكاسى باس پروكۋراتۋراسىنىڭ بۇيرىعى  №41

2015 جىلعى 11 ناۋرىز, استانا قالاسى «اتقارۋشىلىق ءىس جۇرگىزۋدىڭ زاڭدىلىعىن پروكۋرورلىق  قاداعالاۋدى ۇيىمداستىرۋ بويىنشا نۇسقاۋلىقتى بەكىتۋ تۋرالى» قازاقستان رەسپۋبليكاسى باس پروكۋرورىنىڭ  2010 جىلعى 28 جەلتوقسانداعى № 88 بۇيرىعىنا  وزگەرىستەر مەن تولىقتىرۋلار ەنگىزۋ تۋرالى اتقارۋشىلىق ءىس جۇرگىزۋدىڭ زاڭدىلىعىنا قاداعالاۋدىڭ تيىمدىلىگىن ارتتىرۋ ماقساتىندا, «پروكۋراتۋرا تۋرالى» قازاقستان رەسپۋبليكاسى زاڭىنىڭ 11-بابىنىڭ 4) تارماقشاسىن باسشىلىققا الا وتىرىپ, بۇيىرامىن: 1. «اتقارۋشىلىق ءىس جۇرگىزۋدىڭ زاڭدىلىعىنا پروكۋرورلىق قاداعالاۋدى ۇيىمداستىرۋ بويىنشا نۇسقاۋلىقتى بەكىتۋ تۋرالى» قازاقستان رەسپۋبليكاسى باس پروكۋرورىنىڭ 2010 جىلعى 28 جەلتوقسانداعى № 88 بۇيرىعىنا (نورماتيۆتىك قۇقىقتىق اكتىلەردىڭ مەملەكەتتىك تىركەۋ تىزىلىمىندە № 6737 تىركەلگەن, قازاقستان رەسپۋبليكاسىنىڭ ورتالىق اتقارۋ جانە وزگە دە ورتالىق مەملەكەتتىك ورگاندارىنىڭ اكتىلەر جيناعىندا جاريالانعان, 2011 جىل, №7) مىناداي وزگەرىستەر مەن تولىقتىرۋلار ەنگىزىلسىن: وسى بۇيرىقپەن بەكىتىلگەن اتقارۋشىلىق ءىس جۇرگىزۋدىڭ زاڭدىلىعىنا قاداعالاۋدى ۇيىمداستىرۋ جونىندەگى نۇسقاۋلىقتا: 3-تارماق مىناداي رەداكتسيادا جازىلسىن: «3. قازاقستان رەسپۋبليكاسى باس پروكۋراتۋراسىنىڭ سوتتاردا مەملەكەت مۇددەسىنە وكىلەتتىك جاساۋ دەپارتامەنتى (بۇدان ءارى – دەپارتامەنت), وبلىس پروكۋرورلارى, استانا جانە الماتى قالالارىنىڭ, اۋداندىق, قالالىق جانە وعان تەڭەستىرىلگەن اسكەري جانە باسقا دا ارنايى پروكۋراتۋرالار اتقارۋشىلىق قۇجاتتاردىڭ ورىندالۋى بويىنشا ۇاكىلەتتى ورگاننىڭ, ونىڭ اۋماقتىق ورگاندارىنىڭ جانە ولاردىڭ لاۋازىمدىق تۇلعالارىنىڭ, جەكە سوت ورىنداۋشىلارىنىڭ اكتىلەرى مەن ارەكەتتەرىنىڭ (ارەكەتسىزدىگىنىڭ) زاڭدىلىعىن تەكسەرۋ جانە ولار زاڭسىز بولعان جاعدايدا پروكۋرورلىق قاداعالاۋ اكتىسىن ەنگىزۋ, سوتتاردىڭ اتقارۋشىلىق ءىس جۇرگىزۋ سالاسىنداعى ازاماتتىق ىستەردى قاراۋىنا قاتىسۋ, سوت اكتىلەرىنىڭ زاڭدىلىعىن تەكسەرۋ جانە ولار زاڭسىز بولعان جاعدايدا نارازىلىق كەلتىرۋ ارقىلى اتقارۋشىلىق ءىس جۇرگىزۋ زاڭدىلىعىنا تۇراقتى جانە ءتيىمدى قاداعالاۋدى قامتاماسىز ەتەدى, اتقارۋشىلىق ءىس جۇرگىزۋدەگى زاڭدىلىق جاعدايىن جۇيەلى تۇردە تالدايدى. قاداعالاۋ فۋنكتسيالارىن ءتيىمدى اتقارۋ جانە زاڭ بۇزۋشىلىقتارعا جەدەل شارا قولدانۋ ماقساتىندا پروكۋرورلار ءوز قىزمەتىندە قۇقىق قورعاۋ جانە ارنايى ورگاندارىنىڭ اقپاراتتىق الماسۋ جۇيەسىن, قازاقستان رەسپۋبليكاسى باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنىڭ بىرىڭعاي سايكەستەندىرىلگەن ستاتيستيكالىق جۇيەسىن جانە باسقا دا اقپاراتتىق رەسۋرستارى مەن جۇيەلەرىن, سونداي-اق وزگە مەملەكەتتىك ورگانداردىڭ اقپاراتتىق جۇيەلەرىن پايدالانادى.»; مىناداي مازمۇنداعى 3-1 تارماقپەن تولىقتىرىلسىن: «3-1. دەپارتامەنتتە, وبلىس پروكۋراتۋرالارىندا, استانا, الماتى قالالىق جانە وعان تەڭەستىرىلگەن پروكۋراتۋرالاردا جۇمىس, زاڭدىلىقتىڭ جاعدايىن بولجامداۋ, اتقارۋشىلىق ءىس جۇرگىزۋدىڭ وزەكتى ساناتتارى بويىنشا پروكۋرورلىق تاجريبەنى جۇيەلى تۇردە تالداپ, ونىڭ ناتيجەلەرى جۇمىس توپتارىندا, جەدەل جانە القا ماجىلىستەرىندە قارالىپ, جۇزەگە اسىرىلىپ جاتقان قاداعالاۋدىڭ تيىمدىلىگىن ارتتىرۋ بويىنشا ناقتى شارالاردى قابىلداۋ ماقساتىندا اۋماقتىق-پاندىك ۇستانىم بويىنشا ۇيىمداستىرىلادى. پاندىك ۇستانىم بويىنشا جۇمىس, اتقارۋشىلىق ءىس جۇرگىزۋدىڭ وزەكتى ساناتتارىن انىقتاۋ جانە قولدانىستاعى زاڭنامانى, قاداعالاۋ قىزمەتىنىڭ نىسانى مەن ادىستەمەسىن جەتىلدىرۋ ماقساتىندا زاڭدىلىق پەن پروكۋرورلىق قاداعالاۋ جاعدايىنا جۇيەلى تۇردە تالداۋ جاسايتىن, جاۋاپتى تۇلعالاردى بەكىتۋ ارقىلى جۇزەگە اسىرىلادى. پاندىك باعىتتاردى بەلگىلەۋ بارىسىندا ايماقتىڭ زاڭدىلىق جاعدايىن جانە ەرەكشەلىكتەرىن ەسكەرۋ قاجەت. پروكۋرورلاردىڭ مامانداندىرىلۋى پروكۋراتۋرانىڭ جۇمىسىن جوسپارلاۋ, تالداۋ مەن شولۋ جاساۋ, جەكە جانە زاڭدى تۇلعالاردىڭ وتىنىشتەرىن قاراۋ كەزىندە ەسەپكە الىنادى. ايماقتىق ۇستانىم اتقارۋشىلىق ءىس جۇرگىزۋگە قاداعالاۋدى جۇزەگە اسىراتىن پروكۋرورلارعا اۋماقتىڭ زاڭدىلىق جاعدايىنا تالداۋ جانە مونيتورينگ جۇرگىزۋ ماقساتىندا بەلگىلى ءبىر اۋماقتى بەكىتۋدەن تۇرادى.»; 4-تارماق مىناداي رەداكتسيادا جازىلسىن: «4. اتقارۋشىلىق ءىس جۇرگىزۋدىڭ زاڭدىلىعىن قاداعالاۋدى جۇزەگە اسىرۋ بارىسىندا پروكۋراتۋرا ورگاندارى قىزمەتىنىڭ باسىم باعىتتارى: اتقارۋشىلىق ءىس جۇرگىزۋدە دەنساۋلىق جاعدايىنا نەمەسە جاسىنا بايلانىستى ءوزىن دەربەس قورعاي المايتىن جەكە تۇلعالاردىڭ كونستيتۋتسيالىق قۇقىقتارى مەن مۇددەلەرىن جانە مەملەكەتتىڭ مۇددەسىن ساقتالۋىن قاداعالاۋ; اتقارۋشىلىق قۇجاتتاردىڭ ورىندالۋى بويىنشا ۇاكىلەتتى ورگاننىڭ, ونىڭ اۋماقتىق ورگاندارىنىڭ جانە ولاردىڭ لاۋازىمدى تۇلعالارىنىڭ اتقارۋشىلىق ءىس جۇرگىزۋ تۋرالى زاڭنامانى ناقتى جانە بىركەلكى قولدانۋىن قاداعالاۋ; اتقارۋشىلىق قۇجاتتاردىڭ ورىندالۋى بويىنشا ۇاكىلەتتى ورگاننىڭ, ونىڭ اۋماقتىق ورگاندارىنىڭ جانە ولاردىڭ لاۋازىمدى تۇلعالارىنىڭ ارەكەتتەرىنە (ارەكەتسىزدىگىنە) داۋ ايتۋ, اتقارۋشىلىق ءىس جۇرگىزۋ سالاسىنداعى باسقا دا ىستەر, ونىڭ ىشىندە سوتپەن بانكروت دەپ تانىلعان ۇيىمداردىڭ كونكۋرستىق ءوندىرىسى شەڭبەرىندەگى ىستەر بويىنشا سوت اكتىلەرىنىڭ زاڭدىلىعىن قاداعالاۋ بولىپ تابىلادى.»; 5-تارماق مىناداي رەداكتسيادا جازىلسىن: «5. اتقارۋشىلىق قۇجاتتاردىڭ ورىندالۋى بويىنشا ۇاكىلەتتى ورگاننىڭ, ونىڭ اۋماقتىق ورگاندارىنىڭ جانە ولاردىڭ لاۋازىمدى تۇلعالارىنىڭ, جەكە سوت ورىنداۋشىلارىنىڭ اكتىلەرى مەن ارەكەتتەرىنىڭ (ارەكەتسىزدىگىنىڭ) زاڭدىلىعىن تەكسەرۋدى اتقارۋشىلىق ءىس جۇرگىزۋ قۇجاتتارىن زەردەلەۋ, تىكەلەي اتقارۋشىلىق قۇجاتتاردىڭ ورىندالۋى بويىنشا ۇاكىلەتتى ورگاندا جانە ونىڭ اۋماقتىق بولىمشەلەرىندە, سونداي-اق باسقا دا مەملەكەتتىك ورگانداردا تەكسەرۋ جۇرگىزۋ ارقىلى جۇزەگە اسىرادى. اۋماقتىق پروكۋرورلار ءوزىنىڭ ورنالاسقان جەرىندە, وسى نۇسقاۋلىقپەن اتقارۋشىلىق قۇجاتتاردىڭ ورىندالۋى بويىنشا ۇاكىلەتتى ورگاننىڭ اۋماقتىق بولىمشەلەرى ورنالاسقان جەردەگى ارنايى پروكۋرورلاردىڭ قاراۋىنا جاتاتىن ساناتتاردى قوسپاعاندا, بارلىق اتقارۋشىلىق قۇجاتتار بويىنشا اۋماقتىق بولىمشەلەرىندە جانە جەكە سوت ورىنداۋشىلارىنىڭ اتقارۋشىلىق ءىس جۇرگىزۋ زاڭدىلىعىنا قاداعالاۋدى قامتاماسىز ەتەدى. ارنايى مامانداندىرىلعان اسكەري پروكۋرورلار ورنالاسقان جەرى بويىنشا قىلمىستىق (م ۇلىكتىك ءوندىرىپ الۋ بولىگىندە), ازاماتتىق ىستەر بويىنشا اسكەري سوتتارمەن شىعارىلعان, سونىمەن قاتار اسكەري پروكۋرورلاردىڭ, قارۋلى كۇشتەر ۇيىمدارىنىڭ, باسقا دا اسكەرلەردىڭ نەمەسە اسكەري قۇرالىمداردىڭ باستاماسى بويىنشا نە ولاردىڭ قاتىسۋىمەن قارالعان قىلمىستىق (م ۇلىكتىك ءوندىرىپ الۋ بولىگىندە), ازاماتتىق جانە اكىمشىلىك ىستەر بويىنشا وزگە دە سوتتارمەن شىعارىلعان اتقارۋشىلىق ءىس جۇرگىزۋ قۇجاتتارى بويىنشا اتقارۋشىلىق قۇجاتتاردىڭ ورىندالۋى بويىنشا ۇاكىلەتتى ورگاننىڭ اۋماقتىق بولىمشەلەرىنىڭ لاۋازىمدى تۇلعالارىنىڭ, جەكە سوت ورىنداۋشىلارىنىڭ اكتىلەرىنىڭ, ارەكەتىنىڭ (ارەكەتسىزدىگىنىڭ) زاڭدىلىعىنا قاداعالاۋدى قامتاماسىز ەتەدى. ارنايى مامانداندىرىلعان كولىك پروكۋرورلارى وزدەرىنىڭ ورنالاسقان جەرى بويىنشا اتقارۋشىلىق قۇجاتتاردىڭ ورىندالۋى بويىنشا ۇاكىلەتتى ورگاننىڭ اۋماقتىق بولىمشەلەرىنىڭ لاۋازىمدى تۇلعالارىنىڭ, جەكە سوت ورىنداۋشىلارىنىڭ اكتىلەرىنىڭ, ارەكەتىنىڭ (ارەكەتسىزدىگىنىڭ) زاڭدىلىعىنا, سوتپەن اتقارۋشىلىق قۇجاتتارى جازىلعان تومەندەگى: كولىك پروكۋراتۋرالارمەن قوزعالعان (م ۇلىكتىك ءوندىرىپ الۋ بولىگىندە) نەمەسە سوتتارمەن ولاردىڭ قاتىسۋىمەن قارالعان, سونداي-اق سوتقا دەيىنگى تەرگەپ-تەكسەرۋ كولىكتەگى ىشكى ىستەر ورگاندارىمەن جۇرگىزىلگەن قىلمىستىق ىستەر بويىنشا; داۋدىڭ ءمانى كولىك ينفراقۇرىلىمىنىڭ وبەكتىسى نەمەسە تاراپتىڭ ءبىرى رەتىندە تەمىر جول, اۆتوكولىك (جولاۋشىلاردى, جۇكتەردى جانە باگاجداردى حالىقارالىق اۆتوموبيلدىك تاسىمالداۋ بولىگىندە), تەڭىز, ىشكى سۋلار, اۋە, قالالىق رەلستىك جانە ماگيسترالدىق كولىك قۇبىرى, كوسموس جۇيەسى ۇيىمدارى, سونداي-اق اتالعان نىساندار مەن سۋبەكتىلەرگە وزدەرىنىڭ وكىلەتتىگىن ىسكە اسىراتىن مەملەكەتتىك ورگاندار جانە كولىك پروكۋراتۋراسى بولىپ تابىلاتىن, جەرگىلىكتى جانە ارنايى مامانداندىرىلعان ەكونوميكالىق سوتتارمەن قارالعان ازاماتتىق ىستەر بويىنشا; اكىمشىلىك قۇقىق بۇزۋشىلىق تۋرالى ءىس جۇرگىزۋى كولىك پروكۋرورلارىنىڭ نەمەسە تەمىر جول, اۆتوكولىك (جولاۋشىلاردى, جۇكتەردى جانە باگاجداردى حالىقارالىق اۆتوموبيلدىك تاسىمالداۋ بولىگىندە), تەڭىز, ىشكى سۋلار, اۋە, قالالىق رەلستىك جانە ماگيسترالدىق كولىك قۇبىرى, كوسموس جۇيەسى ۇيىمدارىنا قاتىستى وكىلەتتىكتەرىن ىسكە اسىراتىن ۋاكىلەتتى ورگانداردىڭ باستاماسى بويىنشا قوزعالعان, جەرگىلىكتى جانە ارنايى مامانداندىرىلعان اكىمشىلىك سوتتاردا قارالعان اكىمشىلىك ىستەر بويىنشا قاداعالاۋدى قامتاماسىز ەتەدى. ارنايى مامانداندىرىلعان تابيعاتتى قورعاۋ پروكۋرورلارى وزدەرىنىڭ ورنالاسقان جەرى بويىنشا تابيعاتتى قورعاۋ پروكۋرورىنىڭ باستاماسى بويىنشا قوزعالعان نە ولاردىڭ قاتىسۋىمەن قاراعان قىلمىستىق (م ۇلىكتىك ءوندىرىپ الۋ بولىگىندە), ازاماتتىق جانە اكىمشىلىك ىستەر بويىنشا سوتپەن شىعارىلعان اتقارۋشىلىق قۇجاتتار بويىنشا اتقارۋشىلىق قۇجاتتاردىڭ ورىندالۋى بويىنشا ۇاكىلەتتى ورگاننىڭ اۋماقتىق بولىمشەلەرىنىڭ لاۋازىمدى تۇلعالارىنىڭ اكتىلەرىنىڭ, ارەكەتىنىڭ (ارەكەتسىزدىگىنىڭ) زاڭدىلىعىنا قاداعالاۋ جۇرگىزۋدى قامتاماسىز ەتەدى. پروكۋروردىڭ تالاپ قويۋى (ارىزى) نەگىزىندە بەرىلگەن اتقارۋشىلىق قۇجاتتىڭ ورىندالۋ زاڭدىلىعىنا قاداعالاۋدى ونىڭ ورىندالۋ ورنى بويىنشا پروكۋراتۋرا جۇزەگە اسىرادى, ال وسى جۇمىستىڭ ۇيلەستىرىلۋى جانە باقىلاۋى (ەسەپكە الىنۋى), ورىندالۋ ورنىنا قاراماستان (اتقارۋشىلىق ءىس جۇرگىزۋدىڭ زاڭدىلىعىنا قاداعالاۋدى جۇزەگە اسىراتىن پروكۋراتۋرا ورگاندارىنىڭ بولىمشەسىمەن نە قىزمەتكەرىمەن), وسى تالاپ قويۋدى (ارىزدى) ۇسىنعان پروكۋراتۋرامەن قامتاماسىز ەتىلەدى. قاداعالاۋ قىزمەتى بارىسىندا مەملەكەتتىك ورگانداردىڭ لاۋازىمدى تۇلعالارىنىڭ, جەكە جانە زاڭدى تۇلعالاردىڭ تاراپىنان زاڭ بۇزۋشىلىقتاردى انىقتاعان جاعدايدا, وسى تارماقتا كورسەتىلگەن پروكۋرورلار, ولاردى, سونداي-اق, زاڭدى بۇزۋعا اكەپ سوققان سەبەپتەر مەن جاعدايلاردى جويۋعا جانە كىنالى تۇلعالاردى زاڭدا كوزدەلگەن جاۋاپكەرشىلىككە تارتۋ تۋرالى شارالار قولدانادى.»; 6-تارماقتىڭ جيىرماسىنشى ابزاتسى مىناداي رەداكتسيادا جازىلسىن: «مەملەكەتتىك ورگانداردىڭ لاۋازىمدى تۇلعالارى, جەكە جانە زاڭدى تۇلعالار تاراپىنان زاڭدىلىقتى بۇزۋى انىقتالعان جاڭدايدا, پروكۋرور سوت الدىندا جەكە ۇيعارىم شىعارۋ تۋرالى ءوتىنىش جاسايدى, بۇل بويىنشا قوسىمشا تەكسەرۋ جۇرگىزۋگە شارالار قابىلداۋعا جانە كىنالى تۇلعالاردى زاڭدا بەلگىلەنگەن جاۋاپتىلىققا تارتۋ ماسەلەنى شەشۋ ءۇشىن جانە زاڭ بۇزۋشىلىقتارعا ىقپال ەتەتىن سەبەپتەر مەن جاعدايلاردى جويۋ ماقساتىندا جازباشا نەمەسە ەلەكتروندى قۇجات تۇرىندە جوعارى تۋرعان پروكۋردىڭ نازارىنا جەتكىزەدى.»; 8-تارماق مىناداي رەداكتسيادا جازىلسىن: «8. پروكۋرورلار ساپالى جانە زاڭدا بەلگىلەنگەن مەرزىمدە جەكە جانە زاڭدى تۇلعالاردىڭ قازاقستان رەسپۋبليكاسى ادىلەت مينيسترلىگىنىڭ سوت اكتىلەرىن ورىنداۋ دەپارتامەنتىنىڭ (بۇدان ءارى - ساود), ونىڭ اۋماقتىق بولىمشەلەرىنىڭ لاۋازىمدى تۇلعالارىنىڭ, مەملەكەتتىك جانە جەكە سوت ورىنداۋشىلارىنىڭ ارەكەتتەرى (ارەكەتسىزدىگى) مەن اكتىلەرىنە جانە اتقارۋشىلىق ءىس جۇرگىزۋ سالاسىنداعى سوت اكتىلەرىنە قاتىستى وتىنىشتەرىن قاراپ, شەشەدى. ءوتىنىش اتقارۋشىلىق ءىس جۇرگىزۋ, ال قاجەت بولعاندا ازاماتتىق, قىلمىستىق, اكىمشىلىك قۇقىق بۇزۋشىلىق تۋرالى ىستەردى تالاپ ەتۋمەن شەشىلەدى. اتقارۋشىلىق قۇجاتتىڭ زاڭدا بەلگىلەنگەن ورىنداۋ مەرزىمى اياقتالماعان اتقارۋشىلىق ءىس جۇرگىزۋلەر پروكۋراتۋراعا كەلىپ تۇسكەن كەزدەن باستاپ ءۇش جۇمىس كۇنىنەن اسپايتىن مەرزىمدە زەرتتەلىپ, كەرى قايتارىلۋعا ءتيىس. پروكۋرور اتقارۋشىلىق ءىس جۇرگىزۋدى زەرتتەۋ كەزىندە سوت ورىنداۋشىمەن اتقارۋشىلىق ارەكەتتەرىنىڭ, مەملەكەتتىك باجدى, اتقارۋشىلىق سانكتسيانى بيۋدجەتكە وتەپ الۋ شارالارىنىڭ, ارەكەتتەرىندە قازاقستان رەسپۋبليكاسى اكىمشىلىك قۇقىق بۇزۋشىلىقتار تۋرالى كودەكسىنىڭ 669-بابىندا جانە 33-تاراۋىنىڭ وزگە دە نورمالارىندا كوزدەلگەن قۇقىق بۇزۋشىلىقتار بەلگىلەرى كورىنەتىن بورىشكەرگە قاتىستى اكىمشىلىك قۇقىق بۇزۋشىلىق تۋرالى ءىستىڭ قوزعالۋىنىڭ, قىلمىستىق ءىس قوزعاۋ ماسەلەسىن شەشۋ ءۇشىن قىلمىستىق قۋدالاۋ ورگاندارىنا سوت شەشىمىن ورىندامايتىن تۇلعالارعا قاتىستى ماتەريالداردى تاپسىرۋدىڭ زاڭدىلىعىن, ۋاقتىلىعىن جانە تولىقتىعىن تەكسەرەدى. اتقارۋشىلىق ءىس جۇرگىزۋدى ء(ىستى) زەرتتەۋ ناتيجەسى بويىنشا پروكۋرور باس پروكۋراتۋرانىڭ جەكە جانە زاڭدى تۇلعالاردىڭ وتىنىشتەرىن قاراۋ جونىندەگى نورماتيۆتىك قۇقىقتىق اكتىلەرىندە كوزدەلگەن تارتىپتە تيىسىنشە بەكىتىلەتىن جانە قول قويىلاتىن دالەلدى قورىتىندىنى جانە ارىز يەسىنە جاۋاپ ازىرلەيدى. سوت اكتىسىنە نەمەسە سوت ورىنداۋشىسىنىڭ اكتىسىنە پروكۋرورلىق قاداعالاۋ اكتىسى ەنگىزىلگەن جاعدايدا اتقارۋشىلىق ءىس جۇرگىزۋ ء(ىس) بويىنشا قورىتىندى جاسالمايدى.»; 9-تارماقتىڭ ءۇشىنشى ابزاتسى مىناداي رەداكتسيادا جازىلسىن: «زاڭنىڭ ءبىر رەت ورەسكەل نەمەسە جۇيەلى تۇردە بۇزىلۋىن انىقتاعان جاعدايدا پروكۋرور ءوز قۇزىرەتىنىڭ شەڭبەرىندە اۋماقتىق ادىلەت ورگاندارىنا نەمەسە اتقارۋشىلىق قۇجاتتاردىڭ ورىندالۋى بويىنشا ۇاكىلەتتى ورگاننىڭ اۋماقتىق بولىمشەلەسىنىڭ باسشىسىنا, جەكە سوت ورىنداۋشىلارىنىڭ اۋماقتىق پالاتاسىنا تيىسىنشە مەملەكەتتىك نەمەسە جەكە سوت ورىنداۋشىسىمەن جىبەرگەن زاڭدىلىقتىڭ بۇزىلۋىن جويۋ تۋرالى ۇسىنىس ەنگىزەدى.»; 10-تارماق مىناداي رەداكتسيادا جازىلسىن: «10. پروكۋرورلار پروكۋرورلاردىڭ تالاپ قويۋلارى بويىنشا مەملەكەت كىرىسىنە, دەنساۋلىق جاعدايىنا نەمەسە جاسىنا بايلانىستى وزدەرىنىڭ قۇقىقتارى مەن زاڭدى مۇددەلەرىن قورعاۋدى دەربەس جۇزەگە اسىرا المايتىن ادامداردىڭ پايداسىنا اقشالاي جانە وزگە دە ءوندىرىپ الۋلار تۋرالى اتقارۋشىلىق قۇجاتتار بويىنشا جەكەلەگەن نەگىزدەمەلەرگە سايكەس رەسپۋبليكالىق مەنشىككە اينالدىرىلعان (تۇسكەن) م ۇلىكتى ەسەپكە الۋ, ساقتاۋ, باعالاۋ جانە بۇدان ءارى پايدالانۋ جۇمىسىن ۇيىمداستىرۋ بويىنشا ۋاكىلەتتى ورگاننىڭ, ونىڭ بولىمشەلەرىنىڭ جانە باسقا دا مامانداندىرىلعان ۇيىمداردىڭ قىزمەتىندە زاڭدىلىقتىڭ ساقتالۋىن تەكسەرەدى.»; 11-تارماقتىڭ ءبىرىنشى ابزاتسى مىناداي رەداكتسيادا جازىلسىن: «وبلىس, الماتى, استانا قالالارىنىڭ پروكۋرورلارى كەمىندە جىلىنا ءبىر رەت اتقارۋشىلىق قۇجاتتاردىڭ ورىندالۋى بويىنشا ۇاكىلەتتى ورگاننىڭ اۋماقتىق بولىمشەلەرى جانە ولاردىڭ اتقارۋشىلىق ارەكەتتەردى جاساۋعا ۋاكىلەتى بار لاۋازىمدىق تۇلعالارىنىڭ ارەكەتىندە اتقارۋشىلىق ءىس جۇرگىزۋ تۋرالى زاڭنامانىڭ ساقتالۋىن تەكسەرەدى. تەكسەرۋدىڭ قورىتىندىلارى تۋرالى اقپارات باس پروكۋراتۋراعا تەكسەرۋ جۇرگىزىلگەننەن كەيىنگى ايدىڭ 7 كۇنىنە دەيىن تاپسىرىلادى.»; 13-تارماق مىناداي رەداكتسيادا جازىلسىن: «13. دەپارتامەنت اتقارۋشىلىق ءىس جۇرگىزۋدىڭ زاڭدىلىعىن قاداعالاۋدى اتقارۋشىلىق ءىس جۇرگىزۋگە قاتىسۋشىلاردىڭ وتىنىشتەرىن قاراۋ, قاداعالاۋ تارتىبىمەن نارازىلىق كەلتىرۋ تۋرالى وتىنىشتەردى قاراۋ, ساود-نىڭ قىزمەتىن تەكسەرۋ, اتقارۋشىلىق ءىس جۇرگىزۋدەگى زاڭدىلىقتىڭ جاعدايىن تالداۋ ارقىلى جۇزەگە اسىرادى.»; 15-تارماق مىناداي رەداكتسيادا جازىلسىن: «15. دەپارتامەنت جۇيەلى تۇردە: جەكە نەگىزدەمەلەرمەن رەسپۋبليكالىق مەنشىككە اينالعان (تۇسكەن) م ۇلىكتى ەسەپكە الۋ, ساقتاۋ, باعالاۋ جانە ودان ءارى پايدالانۋ بويىنشا جۇمىستاردى ۇيىمداستىرۋ جونىندەگى ۋاكىلەتتى ورگاننىڭ, ساود-تىڭ جانە ونىڭ اۋماقتىق بولىمشەلەرىنىڭ قىزمەتىن تەكسەرەدى; مەملەكەت كىرىسىنە اقشالاي جانە باسقا ءوندىرىپ الۋلار تۋرالى اتقارۋ قۇجاتتارىنىڭ, سونداي-اق پروكۋرورلاردىڭ تالاپتارى بويىنشا شىعارىلعان سوت اكتىلەرىنىڭ ورىندالۋ بارىسىنداعى زاڭدىلىقتىڭ جاعدايىنا تالداۋ جاسايدى.»; 17-تارماق مىناداي رەداكتسيادا جازىلسىن: «17.اتقارۋشىلىق ءىس جۇرگىزۋ زاڭدىلىعىن قاداعالاۋدىڭ نەگىزگى كورسەتكىشتەرى مىنالار بولىپ تابىلادى: مەملەكەت پايداسىنا اتقارىلۋى; پروكۋروردىڭ تالاپ ارىزى بويىنشا اتقارىلۋى. مەملەكەتتىڭ پايداسىنا اتقارىلۋى زاڭدا بەلگىلەنگەن ورىنداۋ مەرزىمى بۇزىلعان مەملەكەت پايداسىنا ءوندىرۋ تۋرالى قوزعالعان اتقارۋشىلىق قۇجاتتارعا مونيتورينگ جۇرگىزۋ ارقىلى باعالانادى. سول ماقساتتا وسىنداي اتقارۋشىلىق وندىرىستەردىڭ ەسەبى جۇرگىزىلەدى جانە مەملەكەت پايداسىنا وندىرۋگە جاتاتىن ورىنداۋ مەرزىمدەرى بۇزىلعان اتقارۋشىلىق ءىس جۇرگىزۋلەر بويىنشا پروكۋرورلىق قاداعالاۋ اكتىلەرى نەگىزىندە وندىرىلگەن جالپى سومامەن وسىنداي اتقارۋشىلىق ءىس جۇرگىزۋلەر بويىنشا وندىرىلۋگە جاتاتىن جالپى سوماعا شاققانداعى اراقاتىسى ەسەپتەلەدى. پروكۋروردىڭ تالاپ ارىزدارىنىڭ اتقارىلۋى پروكۋروردىڭ تالابى مەن ارىزدارى بويىنشا قابىلدانعان سوت اكتىلەرى نەگىزىندە قوزعالعان اتقارۋشىلىق وندىرىستەرگە مونيتورينگ جاساۋ ارقىلى باعالانادى. سول ماقساتتا ولاردىڭ ەسەبى جۇرگىزىلەدى جانە سانالادى: پروكۋروردىڭ تالاپ ارىزى بويىنشا وندىرۋگە جاتاتىن جالپى سومامەن پروكۋروردىڭ ناقتى وندىرىلگەن سومالاردى شاققانداعى اراقاتىسى ەسەپتەلەدى. پروكۋروردىڭ م ۇلىكتىك ەمەس تالاپ ارىزدارى بويىنشا جانە جەكە مەنشىك نىسانداعى ۇيىمداردىڭ مۇددەلەرىنە قاتىستى اقشا ءوندىرۋ تۋرالى اتقارۋشىلىق ءىس جۇرگىزۋلەر ەسەپكە الىنبايدى; پروكۋروردىڭ م ۇلىكتىك ەمەس سيپاتتاعى تالاپ ارىزدارى بويىنشا ناقتى ورىندالعان سوت اكتىلەرىنىڭ جالپى پروكۋروردىڭ م ۇلىكتىك ەمەس سيپاتتاعى تالاپ ارىزدارى بويىنشا ورىنداۋدا بولعان سوت اكتىلەكرىنە شاققانداعى اراقاتىسى ەسەپتەلەدى. اتقارۋ پاراعىنىڭ جازىلۋىنسىز ورىندالاتىن سوت شەشىمدەرىن قوسپاعاندا (اىجك 282-بابى), پروكۋروردىڭ م ۇلىكتىك ەمەس تالاپ ارىزدارى بويىنشا بارلىق اتقارۋشىلىق ءىس جۇرگىزۋلەر نازارعا الىنادى.»; تومەنگى تۇرعان پروكۋراتۋرالاردىڭ قىزمەتى باسقادا كورسەتىكىشتەر بويىنشا اتقارىلعان جۇمىستارىنىڭ ناتيجەسىمەن باعالانۋ مۇمكىن.»; 18-تارماق مىناداي رەداكتسيادا جازىلسىن: «18. دەپارتامەنت اتقارۋشىلىق ءىس جۇرگىزۋدىڭ زاڭدىلىعىن قاداعالاۋدى جۇزەگە اسىرۋ جونىندە تومەن تۇرعان پروكۋراتۋرالاردىڭ قىزمەتىنە باسشىلىق جاساۋدى جانە باقىلاۋدى قامتاماسىز ەتەدى, قاداعالاۋدىڭ وسى سالاسىنداعى جۇمىستىڭ تيىمدىلىگىن كوتەرۋگە قولداۋ كورسەتەدى, باس پروكۋراتۋرانىڭ باسقا دا بولىمشەلەرىمەن, جوعارعى سوتپەن, ساود-پەن, عىلىمي جانە وقۋ مەكەمەلەرىمەن ءوزارا ءىس-قيمىلدى جۇزەگە اسىرادى.». 2. وسى بۇيرىقپەن قازاقستان رەسپۋبليكاسى پروكۋراتۋرا ورگاندارىنىڭ, ۆەدومستۆولارى مەن مەكەمەلەرىنىڭ بارلىق قىزمەتكەرلەرى تانىستىرىلسىن. 3. قازاقستان رەسپۋبليكاسى باس پروكۋراتۋراسىنىڭ سوتتاردا مەملەكەت مۇددەسىنە وكىلەتتىك جاساۋ دەپارتامەنتىنە وسى بۇيرىقتىڭ قازاقستان رەسپۋبليكاسىنىڭ ادىلەت مينيسترلىگىندە تىركەلۋىن جانە رەسمي تۇردە جاريالانۋىڭ قامتاماسىز ەتۋگە. 4. قازاقستان رەسپۋبليكاسى باس پروكۋراتۋراسىنىڭ قارجى, اقپاراتتاندىرۋ جانە اقپاراتتىق رەسۋرستاردى قورعاۋ دەپارتامەنتىنە وسى بۇيرىقتىڭ قازاقستان رەسپۋبليكاسى باس پروكۋراتۋراسىنىڭ رەسمي سايتىندا ورنالاستىرىلۋىن قامتاماسىز ەتۋگە. 5. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى باس پروكۋرورىنىڭ جەتەكشىلىك ەتەتىن ورىنباسارىنا جۇكتەلسىن. 6. وسى بۇيرىق قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەن كۇنىنەن باستاپ قولدانىسقا ەنەدى. قازاقستان رەسپۋبليكاسىنىڭ باس پروكۋرورى ا.داۋىلباەۆ. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 15 ساۋىردە نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10726 بولىپ ەنگىزىلدى.